Viches furgonetas que levan mesturados nenos mortos e feridos chegando a un hospital? Nenos que comen area para mostrarnos a súa desesperación porque só hai area e non fariña. Nenos que abandonan o edificio no que viven porque en escasos minutos vai ser derrubado, vai ser feito cachizas, a pesar de que no mesmo queden anciáns e feridos. Isto non pode seguir. Non podemos seguir mirando para outro lado. Temos que velo, ten que doernos e facernos dano para que vexamos a autentica dimensión da ignominiosa traxedia. Mañá pode pasarnos a nós. Gaza non pode ser o elefante na habitación. Debemos falar do que pasa para recoñecer o auténtico tamaño desta traxedia retransmitida en directo por miles de testemuños. E actuar. máis de 21.000 nenos - nenas e nenos - morreron e todos os que aínda viven están a ser sometidos a un inferno de sufrimento e morte. Morte por armas e por fame. Debemos facer que se impoña o cesamento do fogo e se abran corredores humanitarios. Esta é a nosa iniciativa solidaria. Informar, concienciar e recadar fondos para Médicos Sen Fronteiras, para que poidan chegar co seu incrible labor ao maior número de nenos e salvar as súas vidas.